AQA AD D-YAS IJ NHAR
A tittawin nnem
Am rheb n wedmam
D rebhar n iwaren
Deg uqemmum n yiwdan
Tugha cem d tagheddut
Nnewwar yuffin aman
In ayi Mayemmi Tedwid
A tajditt n uyermam
Jar djirt d wass?
Bedren zzay-m wussan
Nghin day-m tayri
jar-am d yemmam
ixeyyeq ujenna
Am ami xaf-i tebdid
Runtet Akidi tijnaw
Ar ami zzayi tesxid
Seqsigh xafm idbaren
D umegraw n webrid
Man abrid i tettfed?
Man tafart i di tensid?
Tsa-ynu tecmed xaf-m
tetru tnebririd
A xafm qe3degh tisewnin
Di tfuyin d usemmid
A xafm arzugh mani ma
Waxxa awaren i rebhar
necc war te3gizegh
War dikwiregh deffar
Zman a itunud
Aqa dayes ij nhar
A dayes nemserqa
A dayes i gha nemzar[justify]
الخميس نوفمبر 06, 2008 6:16 pm
